सरबरिया टोल

Authors

राजेन्द्र विमल

साहित्यकार

Description

रोचक घिमिरे लेख्नुहुन्छ, "राजेन्द्र विमल मिथिलाको उर्वर माटोबाट निर्मित स्रष्टा हुन् । अतः उनका सृजनामा यत्रतत्र मिथिलाको माटोको सुगन्ध पाइनु स्वाभाविक हो । तर उनका सृजना कुनै सीमित क्षेत्र वा वर्गका निम्ति मात्र लक्षित हुँदैनन्, समस्त नेपाली पाठकले उनका रचनाको मधुरतम स्वाद चाख्न सक्छन् । अंग्रेजीमा समुचित अनुवाद हुने हो भने उनका कथाले उल्लेख्य ठाउँ ओगट्‌ने संभावना विश्व साहित्यमा सुरक्षित देखिन्छ । मिथिला पुत्र विमल विशेषतः नेपालीत्वका प्रबल समर्थक पाइन्छन् । सार्वभौम मान्यता प्रति उनको पक्षधरता उनका सृजनामा प्रशस्त पाइन्छ । परिवारलाई जीवनको केन्द्रविन्दु मान्दछन् उनी । मान्छेभित्रको पाशविक प्रवृत्ति, स्वार्थान्धताबाट सृजित पारिवारिक विघटनले जीवन नै क्षतविक्षत भएका दृष्टान्त उनका कथाहरूमा पाइन्छ । विशेषतः तराई भूमिका विविध धार्मिक, सामाजिक, राजनीतिक, आर्थिक, शैक्षिक अनि अन्ध विश्वासजन्य विद्रूपताको सत्यान्वेषण यिनका कथामा पाइन्छ ।"

Book Details